Այսօր պաշտպանության նախարարության շենքի մոտ զոհված զինծառայողի մայրը բողոքի ցույց էր անում: Նա պահանջում էր հանդիպում պաշտպանության նախարար Դավիթ Տոնոյանի հետ:
2017 թվականի նոյեմբերի 4-ին հաղորդում ստացվեց, որ Արցախի պաշտպանության բանակի հյուսիսարեւելյան ուղղությամբ տեղակայված զորամասերից մեկում հակատանկային նռնակի պայթյունի հետեւանքով մահացու վիրավորում է ստացել ՊԲ զինծառայող, 1997թ. ծնված Հրանտ Խաչատուրի Մանգասարյանը, իսկ զինծառայողներ Գեւորգ Վլադիսլավի Հյուսնունցը եւ Սերգեյ Սեւադայի Ալումյանը ստացել են տարբեր աստիճանի բեկորային վիրավորումներ:
Նախարարության շենքի մոտ բողոքի ցույց անողը Հրանտ Մանգասարյանի մայրն էր՝ Նունե Հակոբյանը:
Տիկին Նունեն այսօր առավոտյան նաեւ կառավարության շենքի մոտ է բողոքի ցույց արել:
«Նրանք սպանեցին իմ միակ որդուն». այսպիսի գրառմամբ պաստառով էր տիկին Նունեն ՊՆ շենքի մոտ. նա պնդում էր, որ հարուցված քրեական գործը անարդար է ընթանում, ամեն ինչ անում են, որպեսզի, իր բնորոշմամբ՝ որդու մահվան պատճառ դարձած ղեկավար անձինք արդարացվեն:
Մանրամասները՝ տեսանյութում
Aravot.am-ի հետ զրույցում Նունե Հակոբյանը պատմեց, որ որդին՝ Հրաչ Մանգասարյանը ապրիլյան պատերազմի մասնակից է եղել, դիպուկահար եւ օրինակելի զինծառայող, հետմահու պարգեւատրվել է. «Առաջին գծում է եղել: Պահեստում կատարված ղեկավարների անփութության պատճառով տղաս զոհվել է»:
Մանրամասները՝ տեսանյութում
Նունե Հակոբյանը վստահեցնում է՝ որ պետական մարմնին դիմում է՝ բոլորը խաբում են:
Մանրամասները՝ տեսանյութում
Նելլի ԲԱԲԱՅԱՆ
