Լեհաստանում ընթացող ըմբշամարտի միջազգային մրցաշարի հունահռոմեական ոճայինների պայքարում 97 կգ քաշային Արթուր Ալեքսանյանը եզրափակիչ չէր հասել եւ բրոնզե մեդալի համար պետք է գոտեմարտեր Իտալիան ներկայացնող վրացի ըմբիշ Նիկոլոզ Կախելաշվիլիի հետ: Սակայն, երբ հաղորդավար մրցավարն ըմբիշներին հրավիրեց մրցագորգ, Արթուր Ալեքսանյանը չներկայացավ եւ հաղթանակը շնորհվեց Կախելաշվիլուն:
Դեռ Երեւանում՝ Լեհաստան մեկնելու նախօրեին, Արթուրի մարզիչ Գեւորգ Ալեքսանյանը Aravot.am-ի հետ զրույցում ասել էր, որ Արթուրը մրցավայր մեկնում է հին վնասվածքից դեռ լիովին չապաքինված:
Աշոտ ՀԱԿՈԲՅԱՆ


















































