Լրահոս
Օրվա լրահոսը

Դսեղում կարկուտը վնասել է ոչ միայն այգիները, այլեւ բնակարանները (Ֆոտոշարք)

Սեպտեմբեր 10,2018 19:44

Մոտ 2 ժամ առաջ տեղացած կարկուտը վնասներ է հասցրել Լոռու մարզի Դսեղ համայնքին: Հավկիթի մեծությամբ կարկուտը 15 րոպեի ընթացքում հողին է հավասարեցրել գյուղացու ամբողջ տարվա չարչարանքը: Վնասվել են ոչ միայն տնամերձ հողատարածքները, այգիները, այլ նաեւ տանիքներն ու լուսամուտները. «Ձվի չափից մեծ կարկուտ էր գալիս: Կար ձվի չափ էր, կողքից էլ մի քանի հատ կպած՝ տձեւ կարկուտ էր:

Ամբողջ համայնքում տեղաց կարկուտը, իսկ առանձին հատվածներում շատ ավելի ուժեղ էր: Նույնիսկ ծառեր է կոտրել, տներ վնասել»,- Aravot.m-ի հետ զրույցում ասաց Դսեղի համայնքապետ Գառնիկ Հովսեփյանը:

Համայնքի ղեկավարը տեղեկացրեց, որ մարզպետարանում արդեն տեղյակ են, իսկ համայնքապետարանն այս պահին վնասի չափերն է հաշվարկում.

«Դիմել եմ մարզպետարան, իրենց մոտ գրանցել են, առաջարկել են հանձնաժողով կազմել, վնասի չափը հաշվարկել եւ իրենց ներկայացնել: Հիմա այդ հարցերով ենք զբաղված: Առայժմ դիտարկումներ եւ տնային այցելություններ ենք իրականացնում: Շրջում ենք ավելի շատ վնասներ կրած թաղամասերում»:

Տաթեւիկ ՂԱԶԱՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Սեպտեմբեր 2018
Երկ Երե Չոր Հնգ Ուրբ Շաբ Կիր
« Օգո   Հոկ »
 12
3456789
10111213141516
17181920212223
24252627282930