Լրահոս
Օրվա լրահոսը

Ինչո՞ւ է ՏԸՀ-ն Բերդի ընտրական տեղամասերից մեկի քվեաթերթիկների վերահաշվարկ կատարել

Դեկտեմբեր 11,2018 21:40

Դեկտեմբերի 10-ին Իջեւանում տեղակայված թիվ 38 տարածքային ընտրական հանձնաժողով է դիմել Տավուշի մարզի թիվ 13 ընտրատարածքում ՀՅԴ ռեյտինգային թեկնածու Գառնիկ Դանիելյանը, խնդրելով Բերդ քաղաքի մի քանի ընտրական տեղամասերում՝ 38/42-ում, 38/43-ում, 38/39-ում քվեաթերթիկների վերահաշվարկ կատարել:

Հանձնաժողովը նրա դիմումը մերժել է, քանի որ պատգամավորության թեկնածուն չի հանդիսանում վերահաշվարկի դիմում ներկայացնելու իրավունք ունեցող սուբյեկտ:

Թիվ 38 տարածքային ընտրական հանձնաժողովից տեղեկացանք, որ տարածքային հանձնաժողովը սեփական նախաձեռնությամբ որոշել է 38/42 ընտրական տեղամասում քվեաթերթիկների վերահաշվարկ կատարել:

Այն արվել է պատգամավորության թեկնածու Գառնիկ Դանիելյանի եւ վերջինիս վստահված անձ, Տավուշի նախկին փոխմարզպետ Վարդան Ալեքսանյանի ներկայությամբ: Հանձնաժողովից տեղեկացանք, որ վերահաշվարկի արդյունքում էական անճշտություններ, որոնք առնչվում են պատգամավորության թեկնածու Գառնիկ Դանիելյանի ստացած քվեներին, չեն հայտնաբերվել:

Ոսկան ՍԱՐԳՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Դեկտեմբեր 2018
Երկ Երե Չոր Հնգ Ուրբ Շաբ Կիր
« Նոյ   Հուն »
 12
3456789
10111213141516
17181920212223
24252627282930
31