«Աբխազիայից և Ցխինվալի շրջանից ֆուտբոլային ակումբների մասնակցությունն, այսպես կոչված, առաջնությանը չի ենթադրում և չի կարող հիմք ծառայել՝ օկուպացիոն ռեժիմներին լեգիտիմության որևէ ձև հաղորդելու համար». այսպես է մեկնաբանել Վրաստանի ԱԳՆ-ն Լեռնային Ղարաբաղում կազմակերպվող չճանաչված շրջանների ֆուտբոլի առաջնությունը, որին մասնակցում են նաև Ցխինվալը և Աբխազիան:
ԱԳՆ ներկայացուցիչ Վլադիմիր Կոնստանտինիդին հայտարարել է, որ այդ միջոցառման նախաձեռնողն ու կազմակերպիչը CONIFA-ն է՝ Չճանաչված շրջանների ֆուտբոլային ասոցիացիաների ֆեդերացիան:
«ՖԻՖԱ-ն և ՈՒԵՖԱ-ն չեն ճանաչում և կտրականապես սահմանազատվում են CONIFA-ից և նմանատիպ կազմակերպություններից, որոնցում հիմնականում ներկայացված են չճանաչված ռեժիմների և շրջանների ֆուտբոլային ակումբներ:
Միջազգային կազմակերպության դիրքորոշումն ու աջակցությունը Վրաստանի չճանաչման քաղաքականության տեսանկյունից կոշտ և անփոփոխ է, ինչն արտահայտված է բազմաթիվ փաստաթղթերում և միջազգային բնույթի հայտարարություններում: Չճանաչման քաղաքականության իրականացումը մեր երկրի արտաքին քաղաքականության գլխավոր, հիմնական առաջնահերթությունն է: Արտաքին գործերի նախարարությունը շարունակում է ակտիվ աշխատանքը չճանաչման քաղաքականության ամրապնդման և ապագայում ռիսկերի կանխարգելման ուղղությամբ»,- հայտարարել է Վլադիմիր Կոնստանտինիդին»:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
