Ազգային ժողովում 2018-ի պետբյուջեի կատարման հաշվետվության քննարկումը շարունակվում է: ՀՀ արտգործնախարար Զոհրաբ Մնացականյանը ԱԺ եվրաինտեգրման հարցերի եւ ֆինանսավարկային ու բյուջետային հարցերի հանձնաժողովների համատեղ նիստում ներկայացրեց, թե որ երկրներն են վավերացրել Հայաստան-ԵՄ համաձայնագիրը:
Նախարարին հարցրեցին՝ 2018-ի ընթացքում Հայաստան-ԵՄ մասնակցությամբ ի՞նչ ծրագրեր են իրականացվել Հայաստանում, որոնք են ավարտվել, որոնք են շարունակվում ու ինչ արդյունքներ ունենք: Զոհրաբ Մնացականյանն ի պատասխան ասաց, որ չի պատասխանելու այդ հարցին. «Որպեսզի ընդգրկուն պատասխան տանք, մեզ անհրաժեշտ է, որ միջգերատեսչական հանձնաժողովը, որի ղեկավար է Մհեր Գրիգորյանը, մենք բոլորս առիթ ունենանք դրան անդրադառնալ միասին: Շատ ծրագրեր կան ու առանձին վերցրած որեւէ բան ասելը կարող է խնդրահարույց լինել: ԱԳՆ-ն քաղաքականություն իրականացնող է, ծրագիր իրականացնող չէ»:
Ֆինանսավարկային ու բյուջետային հարցերի հանձնաժողովի նախագահ Մանե Թանդիլյանը արձագանքեց. «Իմ տպավորությամբ, մենք այսօր այստեղ ունենք բացակա պատասխանատու, որը փոխվարչապետ Մհեր Գրիգորյանն է: Մենք պետք է սա նկատի ունենանք: Սա նաեւ ծրագրի կատարողականի հաշվետվությունն է ու սա պետք է նկատի ունենանք, փոխվարչապետ Մհեր Գրիգորյանի ներկայությունն ապահովենք, սա բացթողում է»:
Կարդացեք նաև
Հռիփսիմե ՋԵԲԵՋՅԱՆ
