Երեւանում վերելակային տնտեսությունը փոխելու ծրագիրն արդեն ներկայացվել է կառավարությանը։ Այդ մասին այսօր ՔՊ-ի համաժողովում, լրագրողների հետ զրույցում ասաց Երեւանի քաղաքապետ, ՔՊ-ական Հայկ Մարությանը: Նա ասաց, որ ծրագիրը արդեն ներկայացվել է կառավարություն. այն կշրջանառվի բոլոր շահագրգիռ կողմերի միջեւ, եզրակացությունները կտրվեն եւ որոշումը կկայացվի. «Որովհետեւ այստեղ վարկը պետք է պետությունը վերցնի, համայնքը այդպիսի վարկ չի կարող վերցնել, եւ այո դա արվելու է վարկի միջոցով»:
Նա նկատեց, որ վերելակային տնտեսությունը խնդիր էր դեռ խորհրդային տարիներին. «Վերելակները ամենաերկար եկող պրոբլեմն է, 50 տարեկան վերելակներ ունենք, եւ էսօր պահանջ է դրվում՝ ինչու մեկ-երկու ամսում չեք փոխում։ Սակայն դրանք դեռ խորհրդային շրջանում էին խնդիր դարձել, որը եկել հասել է անկախ Հայաստանի ժամանակահատվածում, ու հենց սկզբից այդ խնդիրը կա։ Իսկ այդ վերելակները նախատեսված էին 25 տարվա համար. հիմա ասում են՝ մեկ ամսում ինչու չփոխեցիք, փաստորեն չեք կատարել ձեր խոտումը»։
Նա հիշեցրեց, որ իրենք խոստումներ են տվել 5 տարվա համար`ներկայացնելով հինգ տարվա ծրագիր, մինչդեռ ինքը մի քանի ամիս է ինչ պաշտոնավարում է:
Մայրաքաղաքի աղբահանության խնդիրների մասին`տեսանյութում:
Կարդացեք նաև
Նելլի ԳՐԻԳՈՐՅԱՆ
