«Վանեցյանը դեռ փակագծեր չի բացել, անձնական վիրավորանքներ են եղել, սպա է… անսխալ մարդ գոյություն չունի, Փաշինյանը սխալներ ունի, լավ բաներ էլ է արել, բայց այնքան սխալ է արել, որ լավ բաների վրա ուշադրություն չի դարձնում: Վանեցյանը լավ կադր է»,-«Հայացք» մամուլի ակումբում լրագրողների հետ հանդիպմանն այսօր անդրադառնալով Արթուր Վանեցյանի՝ ԱԱԾ պետի պաշտոնից հրաժարականին, ասաց ԱԺ նախկին պատգամավոր Հովհաննես Մարգարյանը: Նրա համար քննադատելի է Փաշինյանի այն հայտարարությունը, որ «Վանեցյանն ուսադիրները նետել է աղբամանը…»:
Ուղիղ։ Հովհաննես Մարգարյանը հրաժարականների եւ Հայկ Հարությունյանի ինքնասպանության մասին
Կարդացեք նաև
Gepostet von Aravot am Freitag, 27. September 2019
Հովհաննես Մարգարյանն անդրադարձավ նաեւ Մարտի մեկի գործով վկա, ՀՀ նախկին ոստիկանապետ Հայկ Հարությունյանի դեպքին. «Նրան շատ լավ եմ ճանաչում, պատճառների մասին չեմ կարող ասել: Մի բան փաստ է. ճնշումներ եղել են, իրավապահների ձեռքի տակ է եղել, որովհետեւ ՀՀ հանցագործությունների 95 տոկոսը, երբ բացահայտվում է, դատավճիռների հիմքում որպես իրեղեն ապացույցներ գաղտնալսումներն են լինում: Վստահ եմ՝ գիտեին, թե նա ինչ է խոսել եւ ում հետ: Իշխանությունը փորձում է ամեն ինչ վերահսկել, ինչն անհնար է»:
Հովհաննես Մարգարյանի խոսքով՝ ցավալի է, որ Մարտի մեկի թեման այսօր շահարկվում է. «Պատասխանատուները օրենքի խստությամբ պետք է պատժվեն, բայց ուշադրությունը պետք չէ սեւեռել միայն դրա վրա: Տնտեսությունն է պետք զարգացնել: Կարծում եմ՝ Քոչարյանի համար էլ հաճելի կլինի պատասխանատվության ենթարկվել արածի համար, բայց հաստատեք՝ ի՞նչ է արել»: Նախկին պատգամավորը նաեւ հայտարարեց, որ ՀՀ նոր իշխանությունը պետք է օր առաջ փոխի Սահմանադրությունը: Մանրամասն՝ տեսանյութում:
Ուղիղ։ Հովհաննես Մարգարյան
Gepostet von Aravot am Freitag, 27. September 2019
Լուիզա ՍՈՒՔԻԱՍՅԱՆ