ԱԺ-ն այսօր առաջին ընթերցմամբ քննարկում է «ՀՀ Քրեական օրենսգրքում փոփոխություններ կատարելու» եւ «Վարչական իրավախախտումների վերաբերյալ օրենսգրքում փոփոխություններ կատարելու մասին» օրենքների նախագծերի փաթեթը, որը քրեական պատասխանատվություն է սահմանում գրպանահատության եղանակով գաղտնի հափշտակություն կատարելու համար:
Արդարադատության փոխնախարար Սրբուհի Գալյանը, ներկայացնելով կառավարության մշակած այս օրինագիծը, նշեց, որ այն նպաստելու է անպատժելիության մթնոլորտի վերացմանը. «Սա խնդիրներ է լուծում, քանի որ գողության համար ներկայում 5000 դրամը գերազանցող տույժ է սահմանված միայն»: ԱԺ պետաիրավական հարցերի մշտական հանձնաժողովի անդամ, «Իմ քայլի» պատգամավոր Սերգեյ Ատոմյանն էլ նկատեց, որ այս օրինագծով գրպանահատությունը դարձել է հանրային մեղադրանք. «Նախկինում գրպանահատության դեպքում անձին չէին կարողանում պատժել, քանի որ վնասը չնչին էր, իսկ տուժողը չէր ուզում քաշքշուկի մեջ մտնել, հիմա այդ խնդիրը լուծված է»:
Հավելենք, որ օրինագիծը դեռ պետք է քվեարկվի, ապա՝ անցնի երկրորդ ընթերցում:
Լուիզա ՍՈՒՔԻԱՍՅԱՆ
Կարդացեք նաև
