15 բնապահպան դատի է տվել ՀՀ փոխվարչապետ Տիգրան Ավինյանին։ Այս մասին տեղեկանում ենք Դատական տեղեկատվական համակարգից։
Բնապահպանների թվում են Թեհմինե Ենոքյանը, Անի Խաչատրյանը, Արթուր Գրիգորյանը, Լեւոն Գալստյանը, Արկադի Գրիգորյանը, Միհրդատ Ներսիսյանը, Գագիկ Գրիգորյանը, Թեհմինե Հունանյանը, Սուսաննա Մարգարյանը, Հենրի Հարությունյանը, Ասքանազ Հովհաննիսյանը, Բորիս Խաչատրյանը, Գոռ Այվազյանը, Աննա Շահնազարյանը եւ Միլենա Բաղդասարյանը։ Նրանք դատարանից պահանջում են պարտավորեցնել փոխվարչապետին հերքել զրպարտություն համարվող տվյալները։
Բնապահպանների ներկայացուցիչ Գուրգեն Թորոսյանը ՀԺ-ի հետ զրույցում ասաց, որ հայցի պատճառ է հանդիսացել հոկտեմբերի 22-ին Թբիլիսիում հայ համայնքի հետ կայացած հանդիպման ժամանակ Տիգրան Ավինյանի հայտարարությունը։
«Փոխվարչապետը հայտարարել էր, որ բնապահպանները ֆինանսավորվում են հանքարդյունաբերողների կողմից։ Այդ հայտարարության հետ կապված՝ բնապահպանները դիմել էին Ավինյանին, ճշտելու, թե արդյո՞ք իրենց է նկատի ունեցել, թե՝ ոչ, նա չէր պատասխանել։ Միայն նշել էր, որ հավելյալ մեկնաբանման կարիք չկա։ Դրանից հետո թվով 15 բնապահպան՝ ներկայումս դիմել է դատարան, պարզելու՝ Ավինյանը իրե՞նց է նկատի ունեցել։ Եթե այո, ապա զրպարտության պահանջով դիմել են դատարան, որպեսզի հերքի այդ տեղեկատվությունը, թե իրենք ֆինանսավորվում են»,- ասաց Թորոսյանը։
Կարդացեք նաև
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
