Մարդիկ, որոնք քնում են օրական 11 ժամից ավելի կամ 4 ժամից պակաս, ավելի շատ են հակված թոքերի ֆիբրոզի, քան նրանք, ովքեր քնում են մոտ 7 ժամ:
Այսպիսի եզրակացության են հանգել Մանչեսթերի, Օքսֆորդի, Նյուքասլ համալսարանների, Լոնդոնի և Տորոնտոյի համալսարանական քոլեջների, ինչպես նաև NHS հիմնադրամի հետազոտական խմբի գիտնականները: Նրանց հետազոտությունների արդյունքները հրապարակվել են MedicalExpress-ում:
Հետազոտության ընթացքում ուսումնասիրվել են բրիտանական կենսաբանկում առկա տվյալները:
Այն մարդիկ, որոնք բավարար չափով չեն քնում կամ 4 ժամից պակաս են քնում, կրկնապատկում են թոքերի ֆիբրոզի զարգացման հավանականությունը:
Իսկ նրանք, որոնք քնում են օրական 11 ժամ և ավելի` եռապատկում են այն:
Թոքերի ֆիբրոզի զարգացման հավանականությունը մեծ է նաև այն մարդկանց մոտ, որոնք ուշ գիշերին են պառկում քնելու:
Նշվում է, որ Մեծ Բրիտանիայում թոքերի ֆիբրոզի հետևանքով ամեն տարի մահանում է առնվազն 500.000 մարդ, մոտավորապես այնքան, ինչքան լեյկոզի հետևանքով:
Թոքերի ֆիբրոզը կարող է առաջացնել թոքերի դիսֆունկցիա և հանգեցնել շնչառական գործառույթի անբավարարության:
