Ճարտարապետ Սաշուր Քալաշյանը կարծում է, որ Հանրապետության հրապարակի տակ գտնվող պատմական շերտի բացման հարցի քննարկումը ժամանակավրեպ է: «Մինչեւ գործի անցնելը դա պետք է լայն քննարկման առարկա դառնար, ոչ թե միանգամից ծրագիր բերեին»,-Aravot.am-ի հետ զրույցում նման համոզմունք հայտնեց ճարտարապետը:
Հիշեցնենք՝ հունվարի 9-ին վարչապետ Նիկոլ Փաշինյանը հայտարարեց, որ Հանրապետության հրապարակի տակի պատմական շերտի բացման եւ այն թանգարանային հատվածի վերածելու աշխատանքները սկսված են:
Սաշուր Քալաշյանը հարցադրում արեց՝ ի՞նչ արժեք ունի այն, ինչը գտնվում է հրապարակի տակ, այն պատմական արժեք ունի՞, թե ոչ. «Հրապարակի տակ հիմա գտնվում է այն արժեքը, որը կա նաեւ Կոնդ թաղամասում: Կոնդի ժամանակաշրջանի տներն են, որոնք քանդվել են, մնացել են նկուղային հատվածները: Հիմա եթե Կոնդը քանդեք, կմնան նկուղներն ու կասեք, որ դա պատմական մեծ ժառանգություն է: Կոնդին դեռ ձեռք չեն տվել: Եթե արժեք ունի, դարձրեք զբոսաշրջային կենտրոն: Ես չեմ տեսնում Կոնդի ներուժն ու արժեքը եւ ոչ էլ արժեքը նրա, ինչը կտեսնենք հրապարակի տակ»:
Մանրամասն՝ տեսանյութում
Կարդացեք նաև
Լուիզա ՍՈՒՔԻԱՍՅԱՆ
