«Ոստիկանության մասին օրենքում փոփոխությունների» օրինագծի առաջին ընթերցման քվեարկությունից առաջ այսօր ԱԺ նիստում «Իմ քայլը» խմբակցությունը 20 րոպե ընդմիջում խնդրեց, որից հետո տեղի ունեցավ քվեարկությունը: Օրինագիծն ընդունվեց միաձայն՝ 111 «կողմ» ձայներով:
Ապա ԱԺ նախագահ Արարատ Միրզոյանը տեղեկացրեց՝ ԱԺ պաշտպանության եւ անվտանգության հարցերի հանձնաժողովն առաջարկել է այս օրինագիծը երկրորդ ընթերցման դնել 24 ժամում: ԲՀԿ պատգամավոր Արտյոմ Ծառուկյանը հետաքրքրվեց՝ հրատապությունն ինչո՞վ է պայմանավորված: Հանձնաժողովի նախագահ, «Իմ քայլի» պատգամավոր Անդրանիկ Քոչարյանը պարզաբանեց՝ հրատապությամբ է պայմանավորված: Օրինագիծը հրատապ ռեժիմով քվեարկության դնելուն պատգամավորների մեծամասնությունը քվեարկեց «կողմ»(«դեմ»՝ 2 եւ «ձեռնպահ»՝ 2), հետեւաբար՝ օրինագիծը երկրորդ ընթերցմամբ եւ ամբողջությամբ ընդունելու հարցը քվեարկության կդրվի 24 ժամում:
Հիշեցնենք, որ այս օրենսդրական փոփոխությամբ՝ ճանապարհային ոստիկանության փոխարեն ստեղծվելու են պարեկային ծառայություն եւ օպերատիվ կենտրոն, իսկ պահանջվող չափանիշներին համապատասխանողները ծառայության անցնելու են մրցութային կարգով:
Կարդացեք նաև
Լուիզա ՍՈՒՔԻԱՍՅԱՆ
