Հուլիսի 23-ին ՌԴ ԱԳ նախարար Սերգեյ Լավրովը հանդիպում է ունեցել Ռուսաստանի հայկական և ադրբեջանական համայնքի ականավոր ներկայացուցիչների հետ: Այս մասին հաղորդում է ՌԴ ԱԳՆ-ի պաշտոնական կայքը:
Հաղորդագրության համաձայն՝ Լավրովը հանդիպել է «Կիևսկայա պլոշաձ» ՍՊԸ-ի տնօրենների խորհրդի նախագահ Գոդ Նիսանովի և «Ռուսաստանի հայերի միություն» համառուսաստանյան հասարակական կազմակերպության նախագահ Արա Աբրահամյանի հետ:
«Քննարկվել է հայկական և ադրբեջանական համայնքների դերը Ռուսաստանի Դաշնության տարածքում ազգամիջյան խաղաղության և ներդաշնակության պահպանման գործում՝ գործող օրենսդրությանը համապատասխան: Ընդգծվել է համատեղ բացատրական և կրթական աշխատանքի կարևորությունը՝ ազգային պատկանելիության հիմքով Ռուսաստանի քաղաքացիների իրավունքների ոտնահարման դեպքերը կանխելու և վերացնելու համար: Կարևորվել է ադրբեջանական և հայկական համայնքների կառուցողական ներդրման անհրաժեշտությունը՝ Բաքվի և Երեւանի միջև հարաբերությունների բարելավման խթանմանն ուղղված պայմանների ստեղծման գործում»,- ասվում է հաղորդագրության մեջ:
Պատրաստեց՝ Վիկտորյա ԱՆԴՐԵԱՍՅԱՆԸ
