Ղարաբաղյան հակամարտության կարգավորումը պետք է ուղեկցվի բովանդակային խոսակցությամբ՝ բոլոր կողմերի ներգրավմամբ, այլ ոչ թե վերածվի բանակցությունների իմիտացիայի: Այս մասին Մոսկվայում հայտարարել է Ադրբեջանի ԱԳ նախարար Ջեյհուն Բայրամովը ՌԴ արտգործնախարար Սերգեյ Լավրովի հետ համատեղ ասուլիսին:
Նա նաև ասել է, որ Ղարաբաղյան հակամարտության կարգավորման հարցում առաջընթաց չի նկատվում, ուստի Բաքուն այս հարցում մեծ հույսեր է կապում Մոսկվայի հետ։
Բայրամովի խոսքով՝ ադրբեջանական կողմը կարծում է, որ գոյություն ունի նորմատիվ-իրավական բավականին լուրջ հիմք, իսկ բանակցային գործընթացը պետք է ընթանա փաստաթղթերի շուրջ, որոնք ընդունվել են ՄԱԿ Անվտանգության խորհրդի և միջազգային կազմակերպությունների կողմից:
«Այս տեսանկյունից, ինչպես արդեն նշվել է, մենք բանակցային գործընթացը շարունակելու կողմնակից եք, բայց կարծում ենք, որ բանակցային գործընթացը պետք է ներառի հստակ հարցեր, լինի սուբստանտիվ, այլ ոչ թե իմիտացիա»,-հավելել է ադրբեջանցի նախարարը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
