Տավուշի մարզի Խաշթառակ գյուղում պապի կողմից ծեծի ենթարկվելու հետևանքով մահացած 6-ամյա երեխայի երիկամներն ու փայծաղը լրիվ քայքայված է եղել: Երեխայի տատը՝ Էմմա Հակոբջանյանը պնդում է, որ երեխան ծեծի հետեւանքով չի մահացել.
«Ասացին՝ նրա մոտ թույնն ավելի ուժեղ է եղել, թույնից է եղել, երիկամներն ու փայծաղը լրիվ թույնից քայքայվել էին: Ոչ մեկ չի ծեծվել, չեն ծեծվել երեխեքը, բոլորը մկնդեղի թունավորումից է եղել»,-ասաց Էմմա Հակոբջանյանը:
Ըստ նրա՝ հիվանդանոց տեղափոխվելու օրն էլ մահացած վեց ամյա թոռը չի ծեծվել. «Ոչ մի ծեծ չի եղել, աղջիկս հոր հետ կռված է եղել, վրեժ լուծելու համար է սուտ ասել, թե հայրը ծեծել է երեխային»:
Մեր զրուցակցի խոսքով, ինքն ամբողջ օրը աշխատել է, չի էլ իմացել, որ երեխաները մկնդեղ են կերել. «Ես աշխատել եմ, տանը չեմ տեսել, ինձ էլ չեն ասել, որ կերել են, որ իմանայի, կթողնե՞ի տանը մնան, էդպես լիներ»:
Կարդացեք նաև
Քննչական կոմիտեից տեղեկացանք, որ դատաբժշկական փորձաքննություն է նշանակվել՝ պարզելու, 6 ամյա երեխայի մահը ծեծի՞, թե՞ մկնդեղի հետեւանքով է: Կոմիտեից մեզ հայտնեցին, որ փորձաքննության եզրակացությունը դեռ չի ստացվել:
Արփինե ՍԻՄՈՆՅԱՆ
