Նոյեմբերի 12-ին տեղի ունեցավ խաղաղ հանրահավաք, որը կազմակերպվել էր Ազգային Ժողովրդական Բևեռի կողմից: Հավաքի ավարտին, երբ մասնակիցները պատրաստվում էին լքել հրապարակը, նրանց վրա հարձակվեց բազմաքանակ ոստիկանական ուժ և անհամաչափ ուժ կիրառելով բերման ենթարկեց հավաքի մասնակիցներին և կազմակերպիչներին: Ձերբակալվել են հավաքի կազմակերպիչներ և քրեական գործեր են հարուցվել նրանց նկատմամբ, որն աննախադեպ արձագանք է հավաքների դեպքում:
Չնայած որ հավաքներն արգելված են ռազմական դրության պատճառով, հաշվի առնելով Արցախի շուրջ ստեղծված օրհասական վտանգը, ՀՀ իշխանություններից և մասնավորապես ոստիկանությունից ակնկալում ենք առավել հանդուրժողականություն այս օրերին ցնցված և իշխանությունից հաշվետվություն պահանջող հասարակության նկատմամբ: Քաղաքական բռնաճնշումների կիրառումը Հայաստանը կանգնեցնում է բռնատիրության հաստատման վտանգի առաջ:
Հասարակությունն իրավունք ունի Հայաստանի և Արցախի ճակատագրի վերաբերյալ իր խոսքը արտահայտել խաղաղ հավաքների և երթերի միջոցով:
Կարդացեք նաև
Դատապարտում ենք վերը նշված անհամաչափ և չարդարացված ուժի կիրառումը և ՀՀ իշխանությունից ի դեմս Նիկոլ Փաշինյանի պահանջում ենք կասեցնել հարուցված քրեական գործերը:
Հայկական Վերածնունդ
