«Ակնհայտ է՝ ՌԴ ԱԳ նախարարը փաստեց, որ հայկական կողնը չի ներկայացրել գերիների, պատանդների ամբողջական ցուցակը։ Ուշադրություն դարձրեք Լավրովի այն խոսքին, որով նա վերահաստատեց՝ պետք է գործի «բոլորը բոլորի դիմաց» սկզբունքը»,-խորհրդարանում լրագրողների հետ զրույցում այսօր անդրադառնալով ՌԴ ԱԳ նախարար Սերգեյ Լավրովի այն հայտարարությանը, որ գերիների վերադարձի գործընթացը դանդաղել է հայկական կողմի՝ ամբողջական ցուցակ չներկայացնելու պատճառով՝ ասաց «Բարգավաճ Հայաստան» խմբակցության պատգամավոր Նաիրա Զոհրաբյանը։
«Նա նշեց՝ արդյոք հայկական կողմում այլեւս մնացե՞լ են գերիներ․․․երբ վերադարձվում էին մարդասպաններ Շահբազ Գուլիեւն ու Դիլհամ Ասկերովը, իսկ մենք փորձում էինք բարձրաձայնել, որ գուցե պետք է այդ երկուսի դիմաց ստանալ մեր բոլոր ռազմագերիներին, հիշում եք՝ ի՞նչ աղմուկ բարձրացրեց իշխանական «ֆեյքալվացքատունը»՝ ասելով, թե չենք ուզում մեր ռազմագերիների վերադարձը»,-հիշեցրեց Նաիրա Զոհրաբյանը։
Նրա խոսքով՝ այսօր իրավիճակն այնպիսին է, որ Ադրբեջանը հրաժարվում է վերադարձնել մեր գերեվարվածներին, իսկ նոյեմբերի իննից հետո գերեվարվածներին հռչակում որպես ահաբեկիչներ, եւ այս իրավիճակում մեր ԱԳՆ-ն կակազում է, Ալիեւը՝ Շուշիում թեյ խմում ու բռունցքը թափ տալով սպառնում։
«Ադրբեջանը կարողացել է պատկերացում ստեղծել, որ մեր 62 շիրակցի գերիները դիվերսանտներ են»,-փաստեց Նաիրա Զոհրաբյանը։
Կարդացեք նաև
Լուիզա ՍՈՒՔԻԱՍՅԱՆ
