Ադրբեջանական կողմը չի բացառում Հայաստանի հետ կապերի հետագա զարգացումը և ինչ-որ փուլում խաղաղության պայմանագրի ստորագրումը: Այս մասին հայտարարել է Ադրբեջանի նախագահ Իլհամ Ալիևը միջազգային լրատվամիջոցների համար հրավիրված մամուլի ասուլիսում:
«Եթե հայկական կողմից նույնպիսի մոտեցում լինի, ապա մենք կձևավորենք հարաբերություններ կապերի հետագա ամրապնդման հեռանկարով, և իհարկե, եթե մենք շարժվենք հենց այնպես, ինչպես մտածում ենք, մենք չենք բացառում, որ ինչ-որ փուլում խաղաղության պայմանագիր կստորագրվի,- ասել է Ալիևը:- Ամեն ինչ կախված կլինի հայկական կողմի՝ ժամանակակից իրողությունների ճիշտ գնահատումից, ճիշտ եզրակացություններից և ռևանշիզմի փորձերի բացառումից»:
Պատրաստեց՝ Վիկտորյա ԱՆԴՐԵԱՍՅԱՆԸ
