Տիգրան Պետրոսյանի անվան շախմատի տանն այսօր կայացավ օրերս ավարտված շախմատի Հայաստանի տղամարդկանց եւ կանանց առաջնությունների փակման եւ չեմպիոնների ու մրցանակակիրների պարգեւատրման արարողությունը: Պարգեւատրումը կատարեց ՀՇՖ նախագահ Սերժ Սարգսյանը:
ՀՀ չեմպիոնի տիտղոսը նվաճել եւ Հայաստանի տղամարդկանց ու կանանց ազգային հավաքականների կազմը համալրել են գրոսմայստեր Հովհաննես Գաբուզյանը եւ կանանց միջազգային վարպետ Սուսաննա Գաբոյանը, իսկ մրցանակակիր դարձել, համապատասխանաբար, Արման Փաշիկյանն ու Սամվել Տեր-Սահակյանը, ինչպես նաեւ Մարիամ Մկրտչյանն ու կանանց գրոսմայստեր Մարիա Գեւորգյանը:
Աշոտ ՀԱԿՈԲՅԱՆ
