ՀՀ ԱԺ անկախ պատգամավոր Գեւորգ Պետրոսյանը «Հայելի» ակումբում անդրադառնալով վերջին օրերին արագ զարգացող իրադարձություններին՝ առանձնացրեց, իր դիտարկմամբ, դրանցից ամենակարեւորները:
Նա հատկապես անդրադարձավ այն հարցին, թե Նիկոլ Փաշինյանն ինչո՞ւ չի հակադարձում Ալիեւին: Պատգամավորի կարծիքով՝ իրականում նա լուռումունջ չէ, նա գոռալով հակադարձում է ոչ թե Ալիեւին, այլ ուզում է վախեցնել մեր ազգաբնակչությանը: Մասնավորապես, հիշեցնելով ուղիղ եթերներից մեկում իրեն քննադատողների հասցեին ուղղված վարչապետի խոսքը, թե քաղաքական հայտարարությունների չափերը անցնողներին կձերբակալեն, պատգամավորը հարցնում է, թե ո՞վ կարող է քաղաքական հայտարարությունների չափ որոշել: Նաեւ վարչապետին հորդորեց՝ իր վստահած իրավաբաններին հարցնի ու հետո ասի, թե ո՞ր օրենքի ո՞ր հոդվածով իրավունք կա որոշել, քաղաքացիների խոսքի ազատության չափը: «Այսինքն, նա ուղղակիորեն մատնում է, որ իրավապահ մարմինները գործում են իր անմիջական ցուցումների ներքո: Ոչ մի օրենքում, նորմատիվ իրավական ակտում վարչապետի հրահանգը որպես իրավական կարգավորիչ չկա»,-ասաց Գեւորգ Պետրոսյանը:
Աշոտ ՀԱԿՈԲՅԱՆ
