«Մենք բախման չենք տանում։ Բախման տանում էր Նիկոլ Փաշինյանը, երբ նոյեմբերին վրեժի կոչ էր անում։ Մենք բախումների կոչ չենք արել։ Որ բախման գնացող լինեինք, նոյեմբերին կգնայինք»,-լրագրողների հետ զրույցում քիչ առաջ հայտարարեց ՀՀԿ խոսնակ Էդուարդ Շարմազանովը։
Հարցին, թե արդյոք զինված ուժերը կմիանան իրենց, Շարմազանովը պատասխանեց. «Զինված ուժերը միացել են ժողովրդին եւ հայրենիքին` պահանջելով կապիտուլյանտի հրաժարականը»:
Ինչ վերաբերում է Փաշինյանի պնդմանը, թե զինված ուժերը Սերժ Սարգսյանի դրդմամբ են պահանջում իր հրաժարականը, Շարմազանովի խոսքով` դա զառանցանք է. «Անգամ եթե գեներալները կապ են հաստատել պաշտոնաթող նախագահների հետ, նրանք կապ են հաստատել թուրքին ծնկի բերած հերոսների հետ, ոչ թե իր պես ուղիղ կապ են հաստատել Ալիեւի հետ»:
Հիշեցնենք, որ ավելի վաղ հերթական հանրահավաքի ժամանակ շարժման վարչապետի թեկնածու Վազգեն Մանուկյանը հայտարարեց. «Մենք շրջափակում ենք ԱԺ-ն, և ԱԺ-ն կաշխատի այն ժամանակ, երբ կգա մեր ժողովրդի համար հարիր որոշում ընդունելու»։ ԱԺ երկու մուտքերը փակ են։
Կարդացեք նաև
Լուիզա ՍՈՒՔԻԱՍՅԱՆ
