Արցախյան պատերազմից հետո Հայաստանի իշխող վերնախավը շարունակաբար առաջ է տանում այն տեսակետը, թե Արցախի տարածքների մեծ մասը, որը գրավվել է Ադրբեջանի կողմից՝ հայկական չեն։
Դեռևս նախորդ տարի նոյեմբերին Նիկոլ Փաշինյանն ԱԺ ամբիոնից հայտարարեց, թե Շուշին դժբախտ ու դժգույն քաղաք էր, որը նախկինում ունեցել է 90 տոկոս ադրբեջանական ազգաբնակչություն։
Գրեթե նմանատիպ միտք երեկ հայտնել է ԱԺ «Իմ քայլը» խմբակցության պատգամավոր Հովիկ Աղազարյանը` այս անգամ Քարվաճառի վերաբերյալ։
Թեև պատմություն իմացող մարդը շատ լավ գիտի, որ Քարվաճառը և Ադրբեջանի կողմից բռնազավթված Արցախի մյուս շրջանները հայկական են, այդուհանդերձ հարց է առաջանում՝ ՀՀ իշխանության ներկայացուցիչներն ինչո՞ւ են Ադրբեջանի շահերը պաշտպանում՝ տարածելով նրանց թեզերը։
168.am-ի հետ զրույցում Շահումյանի շրջանի վարչական ղեկավար Սերգեյ Չիլինգարյանը սկզբում չցանկացավ մեկնաբանել իշխանական պատգամավորի հայտարարությունները՝ ընդգծելով, որ ճշմարտությունը մեկնաբանելու կարիք չկա, այդուհանդերձ նշեց․
«Միանշանակ Քարվաճառը հայկական է, ինչպե՞ս կարող է Քարվաճառը հայկական չլինել։ Քարվաճառն այնպիսի սրբավայրեր ու պատմություն ունի, որոնք հստակ ցույց են տալիս, որ այն հայկական է, ինչի՞ մասին է խոսքը։ Ես միայն այսքանը կարող եմ ասել»։
Կարդացեք նաև
Զվարթ ԽԱՉԱՏՐՅԱՆ
Հոդվածն ամբողջությամբ՝ «168 ժամ» թերթի այսօրվա համարում։
