Այսօր կառավարության մամուլի սրահում «fvw DRV Destination Forum Armenien» թեմայով ասուլիսում էկոնոմիկայի նախարար Վահան Քերոբյանն անդրադարձավ երեկ Medxiamax.am-ին տված հարցազրույցում հնչեցրած իր մտքին. «Պետք է Ադրբեջանի հետ գրագետ համագործակցենք»։
Թե ի՞նչ նկատի ունի նախարարն, ասելով «գրագետ համագործակցություն», մանրամասնեց՝ կառավարությունը շարունակում է կրկնել, որ մեր օրակարգը խաղաղության օրակարգն է․ «Եւ այդ աշխատանքը պետք է ուղղված լինի, որպեսզի մենք չեզոքացնենք այն դեռեւս փոքր-ինչ առկա ռիսկերը եւ ամրապնդենք մեր սահմանները խաղաղության օրակարգի շուրջ։ Հենց դա էլ հասկանում եմ, ասելով՝ Ադրբեջանի հետ գրագետ համագործակցություն, որպեսզի մենք դադարենք բացառապես իրար ինչ-որ բաներում մեղադրելը, այլ համագործակցող եւ ընդհանուր եզրեր գտնելով, կարողանանք այնպես անել, որ մեր ընդհանուր աշխատանքը գնա դեպի խաղաղություն, եւ ոչ թե հակառակը՝ դեպի պատերազմ»։
Նելլի ԲԱԲԱՅԱՆ
