2021 թ. դեկտեմբերի 30-ի նիստում կառավարությունը հավանություն է տվել «Հայաստանի Հանրապետության դրոշի մասին» օրենքում լրացում և փոփոխություններ կատարելու մասին» ՀՀ կառավարության առաջարկությանը։ Նախագծի փաթեթից պարզ է դառնում, որ դա վերաբերում է ՀՀ «Հայաստան» խմբակցության պատգամավոր Աղվան Վարդանյանի օրենսդրական նախաձեռնությանը, սակայն կառավարության որոշման տեքստում այդ մասին չի հիշատակվում, եւ տպավորություն է ստեղծվում, թե նախաձեռնության հեղինակը կառավարությանն է։ Այդ թեմայով հարցազրույց էր տվել նաեւ ՀՀ ԿԳՄՍ նախարարի տեղակալ Արա Խզմալյանը՝ դարձյալ չնշելով նախաձեռնության հեղինակի անունը:
Aravot.am-ը թեմայի վերաբերյալ մեկնաբանություն խնդրեց ԿԳՄՍ նախարարի մամուլի խոսնակ Գեղամ Մելիքբեկյանից հարցրինք՝ ինչու չի նշվել նախաձեռնության հեղինակի անունը: «Բոլորին հայտնի է, թե ով է այդ նախաձեռնության հեղինակը, հետեւաբար որեւէ մեկը դիտավորությամբ չէր կարող թաքցնել դա»,-ասաց ԿԳՄՍ նախարարի մամուլի խոսնակը:
Գոհար ՀԱԿՈԲՅԱՆ
