«Երբ 2001թ․-ին Սերժ Սարգսյանը, երբ դեռ պաշտպանության նախարար էր, ասել է՝ այո, համարում եմ, որ Աղդամը մեր հայրենիքը չէ․ եթե բանակցային գործընթաց կա, եւ դու ուզում ես դիմացինիդ հիմարի տեղ դնել, դա հեգնանքի առիթ է տալիս, պարոն Օհանյան, դուք այդ ժամանակ Արցախի պաշտպանական գերատեսչության ղեկավար էիք, ուստի որեւէ բան փոխվե՞լ է։
Պարոն Արծվիկ Մինասյան, Սերժ Սարգսյանին հարցրե՞լ էիք՝ դիրքորոշումը փոխե՞լ է, թե առանց հարցնելու՝ բաժին եք վերցրել իշխանությունից»,-ԱԺ լիագումար նիստում այսօր ընդդիմությանը նման հարցադրումներ հղեց ՔՊ խմբակցության ղեկավար Հայկ Կոնջորյանը։
«Պարոն Սեյրան Օհանյան, ասում եք, թե վարչապետի՝ Արցախը Հայաստան է եւ վերջ արտահայտությունը դարձավ պատերազմի պատճառ։ Բա երբ Սերժ Սարգսյանն ասում էր, որ Աղդամն իր հայրենիքը չէ, ինչո՞ւ 2016-ին պատերազմ եղավ։ Ավելին՝ 2016-ից հետո Սերժ Սարգսյանն ասում էր, որ կորցրած տարածքը ռազմավարական նշանակություն չունի»,-հավելեց Կոնջորյանը։
Կարդացեք նաև
Լուիզա ՍՈՒՔԻԱՍՅԱՆ
