Aravot.am-ի տեղեկություններով, ոստիկանության Կումայրի բաժնում նյութեր են նախապատրաստվում շանը բնակչուհիներից մեկի մոր գերեզմանում թաղելու փաստով։
Շիրակի մարզային ոստիկանությունն ահազանգ է ստացել Երևանում բնակվող թոշակառու Մ․Մ-ից, որը հեռախոսազանգով բողոքել է, թե մեկ ամիս առաջ իր քեռու որդին՝ Ա․Գ․-ն․ շանը տարել ու թաղել է Գյումրի քաղաքի 2-րդ գերեզմանատանը հուղարկավորված իր մոր գերեզմանի վրա:
Բնակչուհին ոստիկաններին հայտնել է, որ առողջական խնդիրներ ունի, չի կարող գալ Գյումրի, ներկայանալ ոստիկանության տարածքային բաժին, սակայն փոխանցել է, որ նրանց գերեզմանոցի տեղը կարող է ցույց տալ իր՝ Գյումրիում բնակվող մորաքրոջ դուստրը։
Ոստիկանություն ահազանգած բնակչուհին նաև նշել է, որ լուրը իմանալուն պես՝ չի դիմել ոստիկանություն, քանի որ վատառողջ էր։
Կարդացեք նաև
Դեպքի հանգամանքները պարզվում են։
Նունե ԱՐԵՎՇԱՏՅԱՆ
Լուսանկարը՝ shrjapat.am կայքից
