Ոստիկաններն այսօր կոպտորեն բերման էին ենթարկել անչափահասի:
Այսօր «Դիմադրության» շարժման երթի ժամանակ «Հայաստան» խմբակցության պատգամավոր Արամ Վարդեւանյանը, ոստիկանության շենքի մոտ հայտարարեց, որ այդ շենքում շատ ոստիկաններ կան, որոնք աջակցում են շարժմանը ու իրենց կարծիքները համընկնում են, բայց կան ոստիկաններ՝ կարմիրբերետավորներ, որոնք քաշքշում են արցախյան պատերազմում զոհված հերոսի հորը, անչափահասի. «Հո դուք խելագա՞ր չեք այդ մարդկանց քաշքշեք: Ամո՛թ: Որպես իրավաբան ման եմ գալիս մի հատ այլ իրավաբանի, ով կփորձի հակադարձի այս խոսքերին՝ բոլոր դեպքերում, երբ ոստիկանները 3-4 հոգով մարդ են քաշքշում՝ խաղաղ հավաքի մասնակցելու համար, կամ սադրում են՝ դիմելով «դու»-ով, «արա»-ով, հատ-հատ պատասխան են տալու: Բոլորի դեմքերը ֆիքսվելու են, թող այնպես լինի, որ իրականում էլ դեպք չֆիքսվի, որովհետեւ հավաքների մասնակցելը սահմանադրական իրավունք է, ամո՛թ է»:
Հռիփսիմե ՋԵԲԵՋՅԱՆ
