Կարեն Դեմիրճյանի անվան մարզահամերգային համալիրում ընթացող բռնցքամարտի տղամարդկանց Եվրոպայի առաջնության քառորդ եզրափակչում 92 կգ քաշային Նարեկ Մանասյանը երեկ երեկոյան միավորների վստահ առավելությամբ հաղթեց Հունաստանը ներկայացրած մրցակցին:
Այսօր մեկօրյա հանգիստ է հայտարարված: Վաղը պայքարի մեջ մնացած բռնցքամարտիկները կմենամարտեն եզրափակիչ մտնելու համար:
Հայաստանի ազգային հավաքականից, որը այս առաջնությունում մեկնարկել էր ամբողջական կազմով՝ բոլոր քաշային կարգերում, ռինգում մնացել է չորս բռնցքամարտիկ: Ու նրանք բոլորն էլ իրենց համար ապահովել են առնվազն բրոնզե մեդալ:
Ըստ քաշային կարգերի հաջորդականության, նրանք են. 57 կգ՝ Արթուր Բազեյան, 63,5 Հովհաննես Բաչկով, 86 կգ՝ Ռաֆայել Հովհաննիսյան, 92 կգ՝ Նարեկ Մանասյան:
Կարդացեք նաև
Աշոտ ՀԱԿՈԲՅԱՆ
