Վեց օր առաջ, Դավիթ Շահնազարյանի եւ շարժմանը մասնակից կուսակցությունների արտաքին հարաբերությունների կուսակցական դիվանագիտության արդյունքում Եվրախորհրդարանն ընդունել է կարեւոր բանաձեւ: Այսօր Ֆրանսիայի հրապարակում կազմակերպված հանրահավաքում ասաց «Պատիվ ունեմ» խմբակցության պատգամավոր Հայկ Մամիջանյանը:
«Նախ՝ արձանագրեց, որ ղարաբաղյան կոնֆլիկտը լուծված չէ: Երկրորդ՝ հստակ արձանագրեց, որ 44-օրյա պատերազմի նախաձեռնողն ու ագրեսորը Ադրբեջանն է, ավելի վաղ նույն կառույցը հայտարարել էր, որ ղարաբաղյան հակամարտության կարգավորման միջազգայնորեն ճանաչված միակ մանդատն ունի ԵԱՀԿ Մինսկի խումբը եւ լուծումը պետք է լինի երեք սկզբունքների հիման վրա: Հիմա ես ուզում եմ հարցնել՝ Նիկո՛լ, բա ասում էիր միջազգային հանրությունն ուզում է, որ նշաձողն իջեցնենք, այդ ո՞ր միջազգային հանրությունը, Թուրքիա՞ն ու Ադրբեջանը՞»:
Հայկ Մամիջանյանն ասաց, որ Եվրախորհրդարանը նաեւ հաստատել է, որ մեր բոլոր գերի տղաները պիտի վերադառնան հայրենիք. «Բանաձեւում Ղարաբաղի տարածքը նշվում է, որպես վիճելի տարածք, իսկ Նիկոլ Փաշինյանը Սյունիքի գյուղերն անվանում է ադրբեջանական»:
Լուսինե ԲՈՒԴԱՂՅԱՆ
