Մոսկվայի դատարանը կքննարկի «Նովայա գազետա» թերթի լիցենզիան ուժը կորցրած ճանաչելու հարցը։ Ավելի վաղ «Ռոսկոմնադզորը» երկու անգամ նախազգուշացում էր արել թերթին։ Օրենքով դա բավարար է նրա լիցենզիան անվավեր ճանաչելու համար։
Ռոսկոմնադզորի բողոքը Բասմանի դատարանին առաջինը հայտնել է «Մոսկվա» քաղաքային լրատվական գործակալությունը։ Հայցադիմումը գրանցվել է հուլիսի 26-ին: Գործի նյութերից բխում է, որ դատավորը երեք օր ժամանակ ունի որոշելու՝ հայցը վարույթ ընդունելու հարցը։
«Նովայա գազետա»-ն լույս է տեսնում 1993 թվականից։ Մարտի վերջին այն դադարեցրեց հրապարակումը։ Խմբագիրները նշում են, որ ռուսական օրենքները թույլ չեն տալիս լրագրողներին լուսաբանել Ուկրաինայի հետ պատերազմի ընթացքը։
Աշխատակիցներից ոմանք սկսել են աշխատել Լատվիայում գրանցված «Նովայա գազետա. Եվրոպա»-ում և «Նոր ռասկազ-գազետա»-ում: Երկու կայքերն էլ Ռուսաստանում արգելափակվել են Ռոսկոմնադզորի կողմից դատախազության պահանջով` գործարկումից համապատասխանաբար 10 և 7 օր հետո:
Կարդացեք նաև
Հիշեցնենք, որ «Նովայա գազետա»-ի գլխավոր խմբագիր Դմիտրի Մուրատովը 2021 թվականին ստացելէր Խաղաղության Նոբելյան մրցանակ «խոսքի ազատության պաշտպանությանն ուղղված ջանքերի համար»։ 2022 թվականի մարտի 22-ին Մուրատովը հայտարարել է, որ վաճառում է Նոբելյան իր մրցանակը և ողջ հասույթը տրամադրում ռուսական բանակի ներխուժումից տուժած ուկրաինացի փախստականների օգնությանը։
Դրանից հետո ապրիլի 7-ին Մոսկվա-Սամարա գնացքում անհայտ անձը հարձակում է գործել Մուրատովի վրա՝ կարմիր ներկ լցնելով «Նովայա գազետա» թերթի գլխավոր խմբագրի վրա։
Մանրամասները՝ սկզբնաղբյուր կայքում:
