ՀԱՊԿ գագաթնաժողովի անցկացման վայրում այսօր վարչապետ Նիկոլ Փաշինյանը դիմավորեց ՀԱՊԿ անդամ երկրների նախագահներին, ինչպես նաեւ ՀԱՊԿ գլխավոր քարտուղար Ստանիսլավ Զասին։ Նախատեսվում են ՀԱՊԿ խորհրդի ընդլայնված եւ նեղ կազմով հանդիպումներ։
ՀԱՊԿ երկրների նախագահների հետ քննարկման պաշտոնական հատվածում Նիկոլ Փաշինյանը հայտարարեց՝ վերջին երկու տարում ՀԱՊԿ անդամ ՀՀ-ն նվազագույնը երեք անգամ ենթարկվել է Ադրբեջանի ագրեսիային, եւ ՀՀ-ի՝ ՀԱՊԿ-ին անդամակցությունն Ադրբեջանին հետ չպահեց այդ ագրեսիայից։
«Մինչեւ այսօր մեզ փաստացի չի հաջողվել որոշման գալ՝ Ադրբեջանի ագրեսիայի առնչությամբ ՀԱՊԿ-ի արձագանքի վերաբերյալ։ Այդ փաստերը մեծ վնաս են հասցնում ՀԱՊԿ-ի վարկանիշին՝ ինչպես մեր երկրում, այնպես էլ դրանից դուրս»,-շեշտեց Նիկոլ Փաշինյանը։
Կարդացեք նաև
Հիշեցնենք, որ ՀԱՊԿ արտաքին գործերի նախարարների խորհրդի, պաշտպանության նախարարների խորհրդի, անվտանգության խորհրդի քարտուղարների կոմիտեի համատեղ նիստում այսօր Ստանիսլավ Զասը շոշափել է ՀՀ-ին օգնություն տրամադրելու հարցը։
Լուիզա ՍՈՒՔԻԱՍՅԱՆ
