Արցախի պետնախարարի խորհրդական, Արցախի նախկին ՄԻՊ Արտակ Բեգլարյանի կարծիքով, ադրբեջանական կողմից Արցախի հանրապետությունում այսօր գազամատակարարումը վերականգնելու երկու պատճառ կա. կամ ադրբեջանական իշխանությունները հասկացել են, որ դատարկ եւ վատ բան են արել՝ առաջին հերթին իրենց համար, կամ, որ ավելի հավանական է, միջազգային մեծ ճնշում կա եւ իրենք հասկացել են, որ ստիպված են լինելու մեծ գին վճարել իրենց գործողությունների դիմաց:
Այսօր, ՄԱԿ-ի հայաստանյան գրասենյակի մոտ, որտեղ Արտակ Բեգլարյանն անժամկետ նստացույց է հայտարարել, շարունակվող ցույցի ժամանակ, Արտակ Բեգլարյանը հայտարարեց, որ կարճաժամկետ ծրագրում պետք է շարունակել եւ ավելացնել միջազգային կառույցների միջոցով ճնշումը, որպեսզի Լաչինի միջանցքը բացվի: Սակայն, միաժամանակ, պետք է հասկանանք եւ պատրաստ լինենք նրան, որ Ադրբեջանի կողմից նման գործողությունները պարբերական բնույթ են կրելու, հետեւաբար, կարեւոր է նաեւ առաջիկայի համար ձեռնարկվելիք քայլերը՝ ՄԱԿ-ի մշտական անդամ հինգ երկրներից:
Արտակ Բեգլարյանը կրկնեց պահանջները՝ ՄԱԿ-ի ԱԽ-ն եւ առնչվող բոլոր կառույցները պետք է Արցախում գրասենյակներ ունենան, Արցախի ժողովրդին անվտանգության միջազգային կայուն երաշխիքներ տրամադրվեն, թե ի՞նչ ձեւով, արդեն կառույցում կորոշեն, Արցախի պարագայում ինքնորոշման հարցը մնում է գլխավոր սկզբունք եւ «ճանաչում հանուն փրկության» բանաձեւը պետք է գործի:
Հանրահավաքից հետո, Հայաստանում ՄԱԿ-ի գրասենյակի ղեկավարն ընդունեց Արտակ Բեգլարյանին եւ Գեղամ Ստեփանյանին:
Կարդացեք նաև
Զրույցից հետո, Արտակ Բեգլարյանն ասաց, որ ՄԱԿ հայաստանյան գրասենյակի ղեկավարը հավաստիացրել է, որ Նյու-Յորքի կենտրոնակայանում տեղյակ են բողոք-պահանջներից եւ քննարկում-որոշումներից հետո, արդյունքների մասին, լրացուցիչ կտեղեկացնեն: Հայկական կողմի ներկայացուցիչները հետաքրքրվել են նաեւ, թե Բերձորի միջանցքի փակման եւ 120 հազար արցախահայերի իրավունքների խախտման առիթով ինչո՞ւ է լռում ՄԱԿ-ի գլխավոր հանձնակատարը:
Մանրամասները՝ տեսանյութում
Բողոքի ցույցերը դեռ կշարունակվեն:
Նելլի ԳՐԻԳՈՐՅԱՆ
ՄԱԿ-ի մարդու իրավունքների գլխավոր հանձնակատարը լռում է որովհետև երբ 2018ին պետք է Գլխավոր Հանձնակատարի ներկայացուցիչ նշանակվեր Հայաստանում ՀՀ ԱԳՆ-ն պաշտոնապես մերժեց և հիմա ազնիվ է՞ նման պահանջ դնել։ Մնացականյան Զորիկի կերած բողկերը մի հատ մաքրեք հետո սենց հարցեր տվեք