«Ես կարող եմ վստահաբար ասել, որ երկու տարվա ընթացքում տրանսպորտային բարեփոխումների գրեթե 90 տոկոսը կարող ենք համարել ավարտված: Այս մասին այսօր հայտարարեց Երևանի փոխքաղաքապետ Տիգրան Ավինյանը՝ պաշտոնավարման 100 օրվա ասուլիսի ժամանակ:
Նա հավաստիացրեց, որ Երևանում կլինի որակյալ տրանսպորտային ցանց, որը կգոհացնի մարդկանց։ Ի պատասխան, միասնական տոմսային համակարգի ներդրման մասին նախկին քաղաքապետի խոստման՝ Տիգրան Ավինյանը թեպետ ասաց, որ կոնկրետ հասցեատերը ինքը չէ, այդուհանդերձ նշեց, որ տրանսպորտային բարեփոխումները չեն ենթադրում միայն ավտոբուսների ձեռքբերում, այլ միասնական տրանսպորտային համակարգ, հարմարեցված կանգառներ, չվացուցակ, նաև առցանց` հավելվածի տեսքով , ինչ–որ մի փուլում ավտոբուսների համար առանձնացված գծեր:
«Երևան քաղաքում միասնական տոմսային համակարգի մրցույթը կայացել է մոտ մեկ շաբաթ առաջ, կա հաղթող։ Այն փուլում ենք, որ քաղաքապետարանը պետք է պայմանագիր կնքի հաղթող կազմակերպության հետ: Կարծում եմ, որ 2023թ., հավանաբար, համակարգը պետք է ներդրվի»,–տեղեկացրեց Ավինյանը։
Կարդացեք նաև
Լուսինե ՄԱՐԳԱՐՅԱՆ
Լուսանկարը՝ Երեւանի քաղաքապետարանի
