Լեռնային Ղարաբաղում նոր՝ միջազգային առաքելություն տեղակայելու համար անհրաժեշտ կլինի Հայաստանի և Ադրբեջանի համաձայնությունը: Այս մասին այսօր տեղի ունեցած ճեպազրույցում հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան:
Նրա խոսքով՝ այս պահին կողմերի համաձայնություն չկա, և միասնական դիրքորոշում եղել է միայն ԼՂ-ում ռուս խաղաղապահներ տեղակայելու հարցում:
Զախարովան հավաստիացրել է, որ ռուս խաղաղապահները հետևողական ջանքեր են գործադրում տարածաշրջանում կայունություն և անվտանգություն ապահովելու և նոր էսկալացիան կանխելու համար: Այնուամենայնիվ, նրա խոսքով՝ շատ բան կախված է հենց կողմերի քաղաքական կամքից և իրական տրամադրվածությունից:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
