«44-օրյա պատերազմի ժամանակ եւ դրանից հետո մինչեւ հիմա պաշտոնապես գրանցված լրատվական կայքերում, հեռուստաալիքներում տարածվում են նյութեր, որոնք սպառնում են ազգային անվտանգությանը, զինվորներին, պետությանը։ Ի՞նչ անելիքներ կան։ Նման նյութերը տարածվում են միայն դիտումներ ապահովելու համար»,-ԱԺ 8-րդ գումարման 5-րդ նստաշրջանի հերթական նիստում այսօր Հեռուստատեսության եւ ռադիոյի հանձնաժողովի 2022թ․-ի գործունեության մասին տարեկան հաղորդման ներկայացման ժամանակ ՀՌՀ նախագահ Տիգրան Հակոբյանին հարցրեց ՔՊ խմբակցության պատգամավոր Լուսինե Բադալյանը։
Տիգրան Հակոբյանը պատասխանեց, որ իրավասություն չունեն համացանցի հանդեպ․ «Եվ պարտադիր չէ, որ այդ գործիքները մեր հանձնաժողովին տրվեն։ Որեւէ մարմին պետք է լինի ՀՀ-ում, որը կկարգավորի տեսալսողական բոլոր ծառայությունների գործունեությունը։ Այո, ազգային անվտանգության սպառնալիք կա։ Մեր արժեքներն են խեղաթյուրում, վտանգներ ստեղծում մատաղ սերնդի համար։ 2 տարի է՝ դրսում մի բլոգեր կա։ Արդեն 2 տարի բառի բուն իմաստով հաչում է՝ վարկաբեկում այն ամենն, ինչ ՀՀ-ում կա։ Իր բառամթերքով․․․պետությունը չի կարողանում նրա դեմն առնել։ Սա հանձնաժողովի՞ խնդիրն է։ Ազգային անվտանգությամբ զբաղվում են պետության համապատասխան մարմինները, ոչ թե ՀՌՀ-ն»։
Այլ հարցերի ի պատասխան Տիգրան Հակոբյանը նշեց՝ վերջերս արտերկրում աշխատած մի լրագրող զարմացել էր այն փաստից, որ հայաստանյան եթերում Իլհամ Ալիեւի խոսքերն ավելի հաճախ են ցուցադրվում, քան մեր երկրի ղեկավարինը, եւ սա անհասկանալի իրողություն է, որովհետեւ թշնամական քարոզչություն է տարածվում։
«Որ մի քիչ շատ խորանանք, հասկանալի կդառնա»,-տեղից ակնարկեց ԱԺ փոխնախագահ Ռուբեն Ռուբինյանը։
Կարդացեք նաև
Լուիզա ՍՈՒՔԻԱՍՅԱՆ
«…իրավասություն չունեն համացանցի հանդեպ»:
Իսկ Հ1-ի հանդեպ իրավասություն ունե՞ք: Եթե այո, խնդրում եմ նայեք, թե ինչ են ցույց տվել հանրայինի անաստված մանկապիղծները Սուրբ Զատիկի օրը՝ ամսի 9-ին, առավոտյան ժամին: Ֆիլմը կոչվում է Վառոդային կոկտեյլ (Gunpowder Milkshake): Այնտեղ կին վրիժառուների մի խումբ 9-10 տարեկան աղջկա ներկայությամբ, րոպեն մեկ վերացնում է սրիկա տղամարդկանց: Սպանությունները կատարվում էին ամենատարբեր զենքերով՝ կացնից մինչև գնդացիր: Արյունը այքան շատ էր, որ փակում էր էկրանը:
Ո՞վ է դրա համար պատասխան տալու: Կարող ե՞ք հետաքննել ու ասել: