Freedom House միջազգային իրավապաշտպան կազմակերպության նախագահ Մայքլ Աբրամովիցը իր թվիթերյան էջում անդրադարձել է անցյալ շաբաթ տեղի ունեցած իր եռօրյա այցին Հայաստան: Այցի ընթացքում Մայքլ Աբրամովիցը մասնակցել է «Ժողովրդավարության հայկական ֆորում»-ին և մի շարք հանդիպումներ ունեցել ՀՀ կառավարության, պետական հաստատությունների և քաղաքացիական հասարակության ներկայացուցիչների հետ:
Freedom House կազմակերպության նախագահը մասնավորապես նշում է՝
«Նախորդ շաբաթ պատիվ ունեցա ելույթ ունենալ երկրորդ ամենամյա «Ժողովրդավարության հայկական ֆորում»-ում, որին մասնակցեցին վարչապետ Նիկոլ Փաշինյանը և նախագահ Վահագն Խաչատուրյանը, որը Հայաստանի կառավարության՝ միջազգային գործընկերների և քաղաքացիական հասարակության հետ աշխատելու հանձնառության դրական նշան է՝ աջակցելու Հայաստանի ժողովրդավարությանը:
Վարչապետի և Վարդինե Գրիգորյանի հետ պանելային քննարկման ընթացքում քննարկեցինք հայկական ժողովրդավարության ամրապնդումը անվտանգային մարտահրավերների և ժողովրդավարությանն ուղված սպառնալիքների պայմաններում, ինչպես նաև տեղական ինքնակառավարման, հաշվետվողականության և միջոլորտային համագործակցության կարևորությունը Հայաստանի ժողովրդավարության համար:
Կարդացեք նաև
Ես նաև առանձնահատուկ հնարավորություն ունեցա այցելելու Հայոց ցեղասպանության հուշահամալիր և թանգարան, որտեղ մենք մեր հարգանքի տուրքը մատուցեցինք Հայոց ցեղասպանության զոհերին և վերահաստատեցինք մեր հանձնառությունը՝ ընդլայնելու և պաշտպանելու ազատությունը ամբողջ աշխարհում:
Իմ այցելության ամենահիշարժան դրվագներից մեկը նախագահ Վահագն Խաչատուրյանի հետ հանդիպումն էր: Քննարկել ենք տարածաշրջանում ժողովրդավարական զարգացման և խաղաղության հաստատման հեռանկարները։ Ինձ մեծ պատիվ ու ոգևորություն է պատճառել նախագահի հայտարարությունը, որում նա խոր հարգանք է արտահայտել Հայաստանում Freedom House-ի գործունեությանը»:
Թվիթի ամբողջական տարբերակը հասանելի է հետևյալ հղմամբ:
Մամուլի հաղորդագրություն
