Region Monitor. Թուրքիայում իշխող «Արդարություն և զարգացում» կուսակցության փոխնախագահ և խոսնակ Օմեր Չելիքը գնահատել է Disney Plus-ի հարթակում «Աթաթուրք» սերիալի հեռարձակման չեղարկման հարցը Հայաստան-Թուրքիա կարգավորման գործընթացի տեսանկյունից:
«Հայաստանի վարչապետի մասնակցությունը մեր նախագահի պաշտոնի վերաստանձման արարողությանը շրջադարձային կետերից մեկն էր։ Նախկինում էլ, հիմա էլ տեսնում ենք, որ դրսի տարբեր պետություններ կամ կենտրոններ, որոնք իրենց շահերն են տեսնում այստեղ, փորձում են խարխլել այս գործընթացները։
Իհարկե, տեսնում ենք, որ սփյուռքի լոբբին էլ այս դեպքերի ժամանակ անում է այս գործողություններն՝ ուղղված Թուրքիա-Հայաստան հարաբերություններում նոր ճգնաժամերի առաջացմանը։
Սակայն սա էլ պետք է տեսնել․ քանի դեռ Հայաստանը շարունակում է այս դրական գործընթացը, որևէ կերպ չեն կարողանալու սաբոտաժի ենթարկել այս կարգավորումը։ Մենք միմյանցից առանձնացնում ենք Հայաստանի հետ կարգավորման աշխատանքը և հայկական սփյուռքի ատելության գործողությունները, դրանք չենք դիտարկում որպես միմյանց հետ կապված պատկեր»,- CNN Türk-ի ուղիղ եթերում ասել է Չելիքը:
Կարդացեք նաև
