Հանրապետության հրապարակում կայացած բողոքի ցույցի ժամանակ վնասվածքներ ստացած ԱԺ «Հայաստան» խմբակցության պատգամավոր Գեղամ Մանուկյանի առողջական վիճակը պարզելու նպատակով Aravot.am-ը դիմեց պատգամավորի որդուն՝ Տարոն Մանուկյանին:
«Հայրիկի հետ շատ լուրջ բան չկա՝ քթի կոտրվածք է, միջնապատն էլ թեք էր, դրա համար վիրահատական միջամտության կարիք առաջացավ, վիրահատության ժամանակ կռճիկից ոսկոր են վերցրել միջնապատի ոսկորի տեղը լրացնելու համար, վիրահատությունը նորմալ է անցել: Հիմա հիվանդանոցի վերակենդանացման բաժանմունքում է՝ զուտ վարակներից խուսափելու նպատակով»,-հայտնեց պատգամավորի որդին:
Տարոն Մանուկյանի խոսքով, վաղն արդեն Գեղամ Մանուկյանին կտեղափոխեն հիվանդասենյակ:
Հիշեցնենք, որ երեկ Հանրապետության հրապարակում, Ադրբեջանի կողմից Արցախի նկատմամբ ցեղասպան գործողությունների դեմ, կայացած բողոքի ցույցի ժամանակ, ոստիկանների գործողությունների հետևանքով վիրավորվել է նաև ԱԺ «Հայաստան» խմբակցության պատգամավոր Գեղամ Մանուկյանը։ Պատգամավորներին բուժօգնություն էին ցուցաբերել «շտապ օգնության» բժիշկները, ապա տեղափոխել՝ հիվանդանոց։
Կարդացեք նաև
Լուսինե ՄԱՐԳԱՐՅԱՆ
