Այս տարվա հոկտեմբերի 12-ին Երևանի «Էրեբունի ամրոց» գարեջրատան մոտ մարտաֆիլմ հիշեցնող «ռազբորկա» կրակոցների գործում մասնակցություն ունենալու կասկածանքով, ըստ shamshyan.com-ի, հետախուզման մեջ գտնվող մի 19-ամյա երիտասարդ է հայտնաբերվել ու ներկայացվել վարույթ իրականացնող մարմնին:
Քննչական կոմիտեից Aravot.am-ին հայտնեցին, որ տվյալ անձին մեղսագրվել է խուլիգանության կատարում։ Այսինքն` նա խուլիգանական արարքների մասնակից է եղել։
Թեեւ վարույթ իրականացնող մարմինը երեկ կալանքի վերաբերյալ միջնորդությամբ է կասկածյալին տարել դատարան, սակայն դատարանը չի բավարարել կալանքը որպես խափանման միջոց ընտրելու քննիչի միջնորդությունը և որպես խափանման միջոց է կիրառել վարչական վերահսկողությունը և բացակայելու արգելքը։
Ինչ վերաբերում է նշված անձ՝ Վովայի Արշակի հետ առնչություններին՝ Քննչական կոմիտեից մեզ հայտնեցին, որ նման տվյալներ կամ տեղեկատվություն առկա չէ այս պահին:
Կարդացեք նաև
Մեզ հայտնի դարձավ նաեւ, որ մի քանի անձինք, այդ թվում նաև կրակոցի արձակման հետ կապված, հետախուզման մեջ են։
Արփինե ՍԻՄՈՆՅԱՆ
Լուսանկարը՝ Գագիկ ՇԱՄՇՅԱՆԻ
