Եվրոպայի խորհրդի Նախարարների կոմիտեն անցած շաբաթ տեղի ունեցած նիստում քննել է, թե ինչպես են անդամ երկրները կատարել Մարդու իրավունքների եվրոպական դատարանի վճիռները:
Անդրադառնալով Նանա Մուրադյանն ընդդեմ Հայաստանի գործով ՄԻԵԴ-ի վճռին, որով արձանագրվել է Նանա Մուրադյանի որդու՝ Վալերիկ Մուրադյանի՝ (Լեռնային Ղարաբաղում զինվորական ժամկետային զինծառայություն էր իրականացնում) ստացած վնասվածքի և դրան հաջորդած մահվան արժանահավատ բացատրություն չտրամադրելուն, ինչպես նաև նրա մահվան արդյունավետ հետաքննության բացակայությանը, կոմիտեն նշել է, որ այս գործերը վերաբերում են իշխանությունների կողմից զինվորական ծառայության ընթացքում դիմողների որդիների կյանքի իրավունքը պաշտպանելու դրական պարտավորություններին չկատարելուն, ինչպես նաև 2001-ից 2010 թվականներին տեղի ունեցած նրանց մահվան դեպքերի արդյունավետ հետաքննության բացակայությանը:
Ինչ վերաբերում է անհատական միջոցառումներին՝ կոմիտեն ընդգծել է, որ սպասվող քննություններում արագ և մանրակրկիտ գործողությունը չափազանց կարևոր է ապացույցների կորստի կամ իրավախախտումների նշանակման կանխարգելման համար, ապա կոչ արել իշխանություններին անհրաժեշտ առաջնահերթություն տալ և արագ ավարտել Մուրադյանի, Անահիտ Մկրտչյանի, Նանա Մուրադյանի և Օհանջանյանի գործերով քննությունները, ինչպես նաև հրավիրել նրանց մանրամասն տեղեկատվություն տրամադրել ձեռք բերված առաջընթացի վերաբերյալ:
Կարդացեք նաև
Արփինե ՍԻՄՈՆՅԱՆ