«Հայաստանում ռուսական ռազմաբազայի նպատակահարմարության մասին քննարկումները վնասակար են»,- ՏԱՍՍ-ին տված հարցազրույցում նշել է ՌԴ ԱԳՆ ղեկավարը, ավելացնելով. «Այն գործում է՝ ելնելով ազգային շահերից և Հարավային Կովկասում կայունության ամրապնդումից։ Այսօր ռուսական զինուժը առանցքային տարր է տարածաշրջանում խաղաղության ապահովման համար»։
«ՆԱՏՕ-ի հետ փոխգործակցության խորացումը հանգեցնում է Հայաստանի ինքնիշխանության կորստի ազգային պաշտպանության և անվտանգության ոլորտում. Դաշինքի իրական նպատակն է ամրապնդել իր դիրքերը տարածաշրջանում և պայմաններ ստեղծել «բաժանիր, որ տիրես» սխեմայով մանիպուլյացիայի համար։ Իսկ Երևանը ռազմավարական շրջադարձի իր ընթացքն արդարացնելու համար փորձում է Մոսկվային մեղադրել Հանրապետության բոլոր դժբախտությունների, այդ թվում՝ Ղարաբաղի կորստի համար»,-ասել է ՌԴ ԱԳՆ ղեկավարը:։
Ըստ Լավրովի՝ «Այստեղ Արևմուտքի խնդիրն է՝ տեղահանել Մոսկվային և տարածաշրջանային այլ պետություններին, Բալկաններից, Մերձավոր Արևելքից և Ուկրաինայից հետո լարվածության նոր օջախ ստեղծել։ Իրավիճակից ելքը ակնհայտ է՝ ամենաբարձր մակարդակով իրականացնել Երևանի, Բաքվի և Մոսկվայի եռակողմ պայմանավորվածությունները»։
Աղբյուրը՝ /https://armeniasputnik.am/
