Կենտրոնի թաղապետարանի պաշտոնյաների գաղտնալսելու դեմ բողոք է ներկայացվել Վճռաբեկ դատարան։ ArmLur.am-ի ձեռքի տակ է հայտնվել այդ փաստաթուղթը։
ArmLur.am-ը հայտնել էր, որ Հակակառուպցիոն կոմիտեն նախաքննության ավարտ է հայտարարել և դատարան է ուղարկել Երևան քաղաքի Կենտրոն վարչական շրջանի ղեկավարի աշխատակազմի կոմունալ տնտեսության և բազմաբնակարան շենքերի կառավարման մարմինների հետ աշխատանքների կազմակերպման բաժնի պետ Տիգրան Ռաֆիկի Մարտիրոսյանի դեմ հարուցված քրեական գործը:
Բողոքի իրավական հիմքերը և հիմնավորումները.
ՀՀ վերաքննիչ հակակոռուպցիոն դատարանի 2023 թվականի դեկտեմբերի 28-ի որոշումը կայացնելիս թույլ են տվել դատական սխալ, քրեադատավարական օրենքի էական խախտում, որը հիմք է կայացված դատական ակտերը բեկանելու համար:
Կարդացեք նաև
Վերաքննիչ դատարանը նշված օրենքները կիրառելով փորձել է, Արման Հարությունյանին դարձնել «պաշտոնատար անձ», որպեսզի հիմնավորի վերջինիս ՀՀ քրեական օրենսգրքի 435-րդ հոդվածի 2-րդ մասի 2-րդ կետով նախատեսված հանցանքի սուբյեկտ լինելու և ծանր հանցագործություն կատարելու մեջ փաստացի կասկածվելու հանգամանքը:
Արման Նվերի Հարությունյանը չէր հանդիսանում պաշտոնատար անձ, այսինքն՝ ՀՀ քրեական օրենսգրքի 435-րդ հոդվածով նախատեսված (կաշառք ստանալու) հացագործության սուբյեկտ և հետևապես նա չէր կարող կասկածվել ծանր կամ առանձնապես ծանր հանցագործության կատարման մեջ:
Ձեռնարկված միջոցառումների արդունքում հնարավոր չի եղել ձեռք բերել ենթադրյալ հանցագործության բացահայտման համար անհրաժեշտ տեղեկատվությունը»:
ՀՀ վճռաբեկ դատարանը թիվ ՝ 48/10.06.2021, 2023թվականի սեպտեմբերի 15-ի որոշմամբ արտահայտել է իրավական դիրքորոշում առ այն, որ միայն օպերատիվ աղբյուրից ստացված տեղեկատվության մասին տեղեկանքը բավարար չէ, օպերատիվ-հետախուզական միջոցառում իրականացնելու միջնորդությունները բավարարելու համար:
Հոդվածն ամբողջությամբ՝ «Ժողովուրդ» օրաթերթի այսօրվա համարում։
