Երեւանի ավագանու «Հանրային ձայն» խմբակցության ղեկավար Վահան Ավագյանն այսօր ավագանու նիստում խմբակցության անունից հայտարարություն արեց։
«Հարեւան խմբակցությունն անընդհատ նշում է մեր անունը։ Անցած նիստին Հայկ Մարությանին, որը հայ ժողովրդին կիսեց սեւ ու սպիտակի, մե՛ր որոշմամբ հեռացվեց։ Սա բոլոր նրանց համար եմ ասում, ում հետաքրքիր է, թե ինչու «Հանրային ձայնն» այս քայլին գնաց։ Մենք դեմ ենք թե՛ ներկաներին, թե՛ նախկիններին։ Որ պահին, որտեղ կարողանանք ինչ-որ մեկին հեռացնել հանրության աչքից, դա անելու ենք»,-հայտարարեց Ավագյանը։
Նա նաեւ անդրադարձավ Հայկ Մարությանի քաղաքապետ եղած ժամանակ գործարքներին, հիշեցրեց «Սանիտեք»- քաղաքապետարանի դատական գործերը՝ գումարի բռնագանձման պահանջով․ «Միլիարդավոր դրամների մասին է խոսքը»։
«Ազգային առաջընթաց»-ից Արամ Թորոսյանն էլ ի պատասխան Ավագյանի ելույթին, ասաց՝ հիշեցնեմ, թե ինչպես չէր կատարվում «Սանիտեք»-ի պարտականություններն, եւ այն ժամանակ ինչ որոշում է ընդունվել քաղաքապետարանի կողմից, որը սատարվել է ժողովրդի եւ իշխանության կողմից․ «Եթե խոսում ենք աղբահանության, թափոնների վերամշակման մասին ենք խոսում, սկսվել է այն ժամանակվանից, ոչ թե մինչ այդ։ Մնացած գնահատականին չեմ անդրադառնա զուտ խաթարված վարկանիշը վերականգնելու համար ինչ-որ բարձր թեմաների մասով․․․»
Կարդացեք նաև
Մանրամասն տեսանյութում
Նելլի ԲԱԲԱՅԱՆ
