Հայաստանյան դատարաններից քաղաքացիական գործերով որպես փաստաբան մասնակցելիս միշտ բավականություն եմ ստանում` անկախ նրանից, թե ով է նախագահում: «Խաչատուր Սուքիասյանն ընդդեմ Վազգեն Սաղաթելյանի» գործով դատական նիստից հետո այսօր լրագրողներին ասաց պատասխանող կողմի ներկայացուցիչ՝ Զարուհի Նախշքարյանը:
«Իմ համոզմամբ՝ հայցը ամբողջ ծավալով անհիմն է, իմ առարկությունները շարադրել եմ 17 էջով: Մենք չենք վիճարկում, որ ելույթը հրապարակային տեղի է ունեցել, ինչ վերաբերում է գնահատող դատողություններին, ապա յուրաքանչյուր անձ ժողովրդավար հասարակարգում կարող է հնարավորություն ունենալ օգտվել իր կարծիք արտահայտելու իրավունքից ամբողջ ծավալով՝ անկախ այս կամ այն քաղաքական գործչի ցանկությունից, համաձայնությունից, ինչից եւ օգտվել է Սաղաթելյանը: Երեք դրվագով որպես վիրավորանք պատասխանատվության միջոց է հայցվում եւս երեք դրվագով՝ զրպարտության մասով:
Մենք վստահաբար կարող ենք պնդել՝ բոլոր դրվագներով բավարար հիմնավորում չենք տեսնում, որ նույնիսկ դա քննարկման առարկա դարձնեին»,- ասաց Նախշքարյանը:
Կարդացեք նաև
Հիշեցնենք, որ գործարար, ԱԺ ՔՊ խմբակցության պատգամավոր Խաչատուր Սուքիասյանը հայց է ներկայացրել ընդդեմ հանրային գործիչ Սաղաթելյանի, իր պատվին ու արժանապատվությանը հասցված վնասի, վիրավորանքի փոխհատուցման և հրապարակային ներողության պահանջով:
Արփինե ՍԻՄՈՆՅԱՆ
