CivilNetCheck. «Քաղաքացիական պայմանագրի» պատգամավոր Անդրանիկ Քոչարյանն ապրիլի 15-ին լրագրողների հետ ճեպազրույցում դիտարկում է արել, թե որևէ տարբերություն չկա «ցեղասպանություն» և «Մեծ Եղեռն» եզրույթների միջև։
🔴 Այս պնդումը, սակայն, տարակուսելի է և հակասում է Հայաստանի և համայն հայության՝ վերջին տասնամյակներում վարած քաղաքականությանն ու ջանքերին։
💬 Պարզաբանման համար #CivilNetCheck-ը դիմեց ցեղասպանագետ Սուրեն Մանուկյանին։ Նրա մեկնաբանությունը՝ ստորև․
❗Մեծ Եղեռնը նկարագրողական անվանում է, որը հայ ժողովուրդը տվել է հայոց պատմության ամենամեծ ողբերգությանը։
Կարդացեք նաև
❗❗Ցեղասպանությունը՝ Genocide-ը, իրավական տերմին է, հանցագործության կոդիֆիկացված անվանում («Ցեղասպանության հանցագործությունը կանխելու և դրա համար պատժի մասին» կոնվենցիա՝ ընդունված ՄԱԿ-ի կողմից 1948թ. դեկտեմբերի 9-ին), որն ունի իրավական հետևանքներ:
📌 Տարիներ շարունակ ԱՄՆ նախագահները ապրիլի 24-ի իրենց ելույթներում խուսափում էին օգտագործել «ցեղասպանություն» եզրույթը՝ դիմելով «Մեծ եղեռն» ձևակերպմանը։ Եվ միայն 2021-ին ԱՄՆ նախագահ Ջո Բայդենն իր ապրիլքսանչորսյան ուղերձում երկու անգամ օգտագործեց այդ եզրույթը։
