Կիրանցում այսօր, ականազերծման աշխատանքներ իրականացնելու ընթացքում, սակրավորներից մեկը պայթել է ականի վրա։ Քիչ առաջ նրան տեղափոխել են Իջեւանի բժշկական կենտրոն:
Պաշտպանության նախարարության մամուլի խոսնակ Արամ Թորոսյանն Aravot.am-ին հայտնեց, որ նախնական տվյալներով՝ ականազերծման աշխատանքներին մասնակցող զինծառայողի կյանքին վտանգ չի սպառնում։
Մեր հստակեցնող հարցին, թե ի՞նչ վնասվածք է ստացել զինծառայողը, Թորոսյանն ասաց, որ այլ մանրամասներն առաջիկայում պաշտոնապես կհայտարարեն։
Կիրանցի բնակիչներից մեկը ArmeniaSputnik-ին հայտնել էր, որ սակրավորը ոտքի շրջանում է վնասվածք ստացել։
Կարդացեք նաև
Նելլի ԲԱԲԱՅԱՆ
