Կառավարության դեկտեմբերի 4-ի նիստի օրակարգում 53 հարց կար, գերակշիռ մասը՝ չզեկուցվող: «ԴՕՍԱԱՖ-ի գույք՝ շատ էպիկ է հնչում…ԴՕՍԱԱՖ համահայկական հայրենասիրական կազմակերպություն: Սա մեր իրականության հատուկ հետազոտության նյութ պետք է դառնա, ուզում եմ հիշել ԴՕՍԱԱՖ ոնց է բացվում, երեւի ոչ մեկ չգիտի… »,-թեմայի վերաբերյալ քննարկման ժամանակ հեգնեց Փաշինյանը: Ի թիվս այլնի նա անդրադարձավ նաեւ այլ կազմակերպությունների սեփականության ծագմանը: Նիկոլ Փաշինյանը տեղծագործական միությունների տնօրինած գույքից էլ խոսեց:
«Ստեղծագործական միությունների հետ կապված ասում ենք, որ պատրաստ ենք լինել ճկուն, որպեսզի ստեղծագործական միություններն իրենց անհրաժեշտ գործունեության համար գույքը տիրապետեն, բայց այնուամենայնիվ պետք է արձանագրվի, որ հանրային սեփականության մասին է խոսքը, եւ հանրության իրավունքները կառավարության միջոցով պետք է պահպանվեն»,-ասաց նա:
ՀՀ գլխավոր դատախազ Աննա Վարդապետյանն էլ նշեց. «Մենք շարունակում են ուսումնասիրությունները նաեւ հկ-ների հետ կապված, որոնք ըստ էության ապօրինի տնօրինում են պետական սեփականություն հանդիսացող գույքերը, դրանք տարբեր տեսակի միություններն են: Այս պահին ուսումնասիրության ներքո են գտնվում Ժուռնալիստների, նկարիչների, գրողների միությունների եւ մի շարք այլ ստեղծագործական միավորումներին պատկանող գույքերը»:
Կարդացեք նաև
Կառավարության նիստն ամբողջությամբ.
Գոհար ՀԱԿՈԲՅԱՆ
