«Մի բրդեք մեզ։ Սպորտային հնարքներ մի արեք, մենք էլ գիտենք այդ հնարքները։ Հանգիստ, ժողովուրդ հանգստացեք, մի տրվեք սադրանքների»,- Սամվել Կարապետյանի աջակիցների երթի ժամանակ բարձրախոսով հայտարարեց «Ուժեղ Հայաստան» կուսակցության անդամ Ալիկ Ալեքսանյանը։ Երթի մասնակիցների ու ոստիկանների միջեւ իրավիճակը լարվեց, հրմշտոց, քաշքշուկ սկսեց այն պահին, երբ ցուցարարներն արդեն հասնում էին դատարանի բակ, որտեղ ընթանում է Սամվել Կարապետյանի գործով նիստը։
Ոստիկանները սկսեցին ցույցի մասնակիցներին բերման ենթարկել՝ իբրեւ փողոցի երթեւեկելի մասով քայլելու համար , ինչն էլ բարկացրեց ցուցարարներին։
«Հարգելի ոստիկաններ, դու յոթ շարքով կանգնել եք, մեզ էլ ասում եք՝ ցրվեք, ցրվեք։ Դուք էլ մի քիչ քչացեք, որ մեզ էլ տեղ լինի»,- հայտարարեց Ալիկ Ալեքսանյանը՝ դիմելով ոստիկաններին։
Կարդացեք նաև
Հակակոռուպցիոն դատարանի մոտից բերման է ենթարկվել 17 անձ՝ հայտնել են ՆԳՆ-ից. «Վարչական իրավախախտումների վերաբերյալ ՀՀ օրենսգրքի 182-րդ հոդվածով նախատեսված արարք կատարելու համար 17 անձ ձերբակալվել և տեղափոխվել է Համայնքային ոստիկանության ստորաբաժանումներ»։
Ի վերջո, ոստիկանների եւ ցուցարարների միջեւ պայմանավորվածություն ձեռք բերվեց եւ իրավիճակը հանդարտվեց։
«Մեր կուսակցության համակիր աղջիկներն ավելի ուժեղ են, քան փոքրիկ խմբակի թվացյալ տղամարդիկ»,- հայտարարեց Ալիկ Ալեքսանյանը՝ խոսելով վերջին օրերին «Ուժեղ Հայաստանի» կանանց ձերբակալությունների եւ կալանքների մասին։
Մանրամասները՝ տեսանյութում
«Սամվել վարչապետ», «Ազատություն Սամվել Կարապետյանին» վանկարկումներով ցուցարարները «Երազ» այգուց քայլեցին մինչեւ Հակակոռուպցիոն դատարան, որտեղ ընթանում է «Ուժեղ Հայաստան» ուժի վարչապետի թեկնածու, տնային կալանքի տակ գտնվող Սամվել Կարապետյանի գործով նիստը։
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
