«Հայաստան» դաշինքի ներկայացուցիչները, ինչպես նախապես հայտարարել էին, այսօր այցելեցին Շիրակի մարզի Մարալիկ և Արթիկ քաղաքներ։ Այս երկու տեղանքներում էլ հորդառատ անձրև էր․ դրսում գրեթե մարդիկ չկային։
«Հայաստան» դաշինքի վարչապետի թեկնածու, ՀՀ երկրորդ նախագահ Ռոբերտ Քոչարյանն իր պաշտոնական էջում գրառում է կատարել․ «Մարալիկն անձրևոտ էր, բայց հյուրընկալ»։
Նա մի կարճ տեսանյութ է հրապարակել՝ վերնագրելով․ «Հանդիպումը կայանում է ցանկացած եղանակին․ Մարալիկ»։
Կարդացեք նաև
Այստեղ Իշխան Սաղաթելյանը սկսեց կատակել, նայելով դեպի երկինք, ասաց․ «Պարոն նախագահ, ասում են՝ Նիկոլն է մի քիչ առաջ ստեղով, դրա համար․․․»։
ՀՅԴ-ական նախկին պատգամավոր, բնապահպանության նախարարի նախկին տեղակալ Հակոբ Մաթիլյանը շարունակեց․ «Ավիրել, գնացել է»։
«Գոնե ինքն էլ ա թրջվե՞լ»,– ասաց անձրևանոցը ձեռքին պարզած Ռոբերտ Քոչարյանը, ու սկսեցին ծիծաղել։
Նունե ԱՐԵՎՇՏԱՅՆ
